प्रिय साथीहरु,
डा. ओम फाउन्डेसनको सहयोगमा आजै देखि वैदेशिक रोजगारीमा घर परिवार छोडेर अफ्ठेरो परिस्थितीमा काम गरिरहनु भएका नेपालीहरुको लागि निःशुल्क स्वास्थ्य परामर्श दिने एउटा सानो प्रयासको शुभारम्भ हँुदैछ ।
हामीलाई थाहा छ, स–साना स्वास्थ्य समस्याको लागि विदेशमा हुँदा कति गाह्रो हुन्छ । त्यहाँ को उपचार निकै महंगो हुनु र कमाउन गएको मान्छेलाई बिचमै फर्किनु पर्ने भएकोे हुँदा आर्थिक, मानसिक र सामाजिक दुर्घटनाहरु हामीले प्रत्यक्ष रूपमा सुनेका र देखेका छौं ।
आजको दिन सम्म डा. ओम मूर्ति अनिल ले आफ्नो फेसबुक, मेसेन्जर बाट स्वास्थ्य सल्लाह दिदै आईरहनुभएको छ । त्यसमा टेक्निकल जटिलताका कारण धेरै जनाको जिज्ञासा सम्बोधन गर्न नसक्दा पटक–पटक आलोचना पनि खेप्नु परेको छ ।
अतः डा. ओम मूर्ति अनिल कै पहलमा डा. ओम फाउन्डेसन मार्फत अलि फरक र व्यवस्थित ढंगले नेपाली दाजु भाई दिदी बहिनी जो पैसा कमाउने हेतुले वैदेशिक रोजगारीमा छन् उनीहरुको अफ्ठ्यारोमा साथ दिने प्रयास गरेका छौं ।
तपाईहरुलाई जुन सुकै स्वास्थ्य समस्या भयो भने हाम्रो वेबसाइटमा आफ्नो समस्या राख्न सक्नु हुनेछ, आफ्नो रोगको पुरानो अवस्था, प्रयोग गरिराखेका औषधी, आफ्नो अम्मल (सुर्ति, चुरोट, रक्सी खाने बानी) र रिपोर्ट वा सम्बन्धित फोटो पनि अपलोड गर्ने सुविधा छ ।
संग संगै तपाँइले संक्षिप्तमा अडियो रेकर्ड गरेर, बोलेर हामी कहाँ पढाउन सक्नु हुन्छ ।
हामीले तपाँईहरुको उत्तरलाई इमेल तथा ह्वाट्सएपको माध्यमले दिने प्रयास गछौं । क्रमशः अरु माध्यमले पनि यसलाई अझ सहज तरिकाले तपाईहरु समक्ष उत्तर दिने हाम्रो प्रयास हुनेछ । आवश्यकता अनुसार भिडियोकल गरेर (टेलिमेडिसिन पद्दति बाट) तपाँईको समस्यालाई समाधान गर्ने कोशिस गरिन्छ ।
अहिले यसलाई एकदमै सानो रूपमा शुरू गर्न गईरहेको कारणले केहि टेक्निकल र व्यवस्थापन कमजोरी पनि हुन सक्ला तर यो कामलाई सबै भन्दा प्राथमिकतमा राखेर अगाडि देखि सोचिराखेको यो हाम्रो योजनालाई अब लागू गर्न गइराखेको छौं ।
त्यसैले यो जानकारी सकेसम्म तपाईँका आफ्ना घरपरिवारका कोही मान्छे विदेशमा काम गर्दछन भने उनीहरू समक्ष पुगोस् भनेर सेयर गरिदिनुहोला ।
तपाँइको वरिपरि मोवाईल राम्ररी चलाउन नजान्ने व्यक्ति भएमा उसको प्रश्न सोधेर मद्दत गर्न सक्नु हुनेछ । सकेसम्म जति बढी आफ्नो रोगको बारेमा जानकारी (Information) हालिदिनुहुन्छ । त्यति नै हामीलाई सल्लाह दिनको लागि सजिलो हुन्छ ।
तल दिइएका लिङ्कहरु थिचेर पनि तपाई प्रश्न सोध्न सक्नुहुनेछ । डा. ओम फाउन्डेसनको फेसबुक पेज लाइक गरेर त्यहाँ भएको वेबसाइट थिचेर तपाई कुनै पनि बेला प्रश्न सोध्न सक्नुहुन्छ ।
हामी अहिले सके सम्म कार्यालय समय (विहान ९ देखि साँझ ५ सम्म) प्रश्नहरूको उत्तर दिने प्रयास गछौं र त्यसपछि आएको प्रश्नहरूको उत्तर अर्को दिन सोही समयमा दिने योजना गरेका छौं ।
यो काममा सबैजनाको साथ, सल्लाह र सहयोगको आशा गरेका छौं र हामीले पवित्र मनले गरेको काममा केहि कमि कमजोरी भएमा त्यसको लागि उचित सल्लाह र परामर्श को पनि आशा गर्दछौं ।
धन्यवाद ।
परामर्शकोलागि हाम्रो वेवसाईटमा जानुहोस ।
https://www.dromfoundation.com/
